KILLIECRANKIE


Whare hae ye been sae braw, lad ?
  Whare hae ye been sae brankie, O ?
Whare hae ye been sae braw, lad ?
  Cam ye by Killiecrankie, O?

Chorus.-An' ye had been whare I hae been,
          Ye wad na been sae cantie, O;
        An' ye had seen what I hae seen,
          I' the Braes o' Killiecrankie, O.

I faught at land, I faught at sea,
  At hame I faught my Auntie, O;
But I met the devil aní Dundee,
  On the Braes o' Killiecrankie, O.
       An' ye had been, etc.

The bauld Pitcur fell in a furr,
An' Clavers gat a clankie, O;
Or I had fed an Athole gled,
On the Braes o' Killiecrankie, O.
       An' ye had been, etc.

Robert Burns



Taken from "The Poetical works of Robert Burns" (London & Glasgow Collins' Clear-Type Press)
with the inscription "This Volume is Dedicated by kind permission to the
Greenock Burns Club (instituted 1802) The oldest Burns club in existence."


Sponsored by Totally Herby, makers of herbal Itch Ease for Midges,
the famous Clootie Dumplings,
and other fine Scottish products from Ayrshire - Burns own County.

© Copyright 1999-2017  Elmbronze Ltd